Hadaf el Le3beh !
Awwal wa7ad bijammi3 5 krouteh zere2 bierba7 el da22.
Mara7il el Le3beh !
1. Tewzi3 10 krout bid (ajwibeh) mkhabbeyin la kell le3ib (3al 2alileh 3 la33ibeh).
2. Ekhir le3ib/le3beh fet 3al toilette bies7ab kart azra2 (sou2al), w bie2ra 3a sot 3aleh (ra7 nsammi el sa2il, bala me3na…).
3. Kell le3ib ghayr el sa2il bi na22e jaweb 3a zaw2o men el krouteh el bayda w biouda3o eddemo mkhabba.
4. Lamma kell el la3ibeh na22o jawebon, 7ada biekhlot el wra2 bala ma yenkachafo.
5. El sa2il biefta7 el ajwibeh bel dor, wou kell marra bierja3 bye2ra el sou2al 3al kart el azra2 wou men ba3do el jaweb yalli fata7o. Masalan: “2alouleh We7yetak je te jure bass ma sadda2et”, “2alouleh Akel kleb bass ma sadda2et”, “2alouleh Film porno bass ma sadda2et” …
6. El sa2il houweh yalle bi na22e afdal jaweb bil nesbeh 2elo. Chou ya3ne “afdal” jaweb? ya3ne aghrab, azraf, ad7ak, as2al, aniak … jaweb: kell min 3a kayfo !
7. El le3ib yalli tna22a jawebo ka afdal jaweb bie7tofiz bil kart el azra2 taba3 el sou2al.
8. Wa haloumma jarra ma3 el le3beh / el le3ib 3ala yamin el sa2il bi sir houwweh el se2il el jdid. Raje3 al mar7ala “2” a3la
Tfenget el Le3beh !
Tfengeh oula
Fi 2as2ileh badda jaweb wahad, 2as2ileh badda jaweben, wou 2as2ileh badda 3 ajwibeh, 7asab 3adad el “……” bel sou2al. Bi 7al toli3 sou2al baddo aktar men jaweb, byetwazza3 kart abiad 2aw 2 aw 3 krouteh 7asab el matloub 2abel ma lla3ibeh yjewbo, wou byen7atto el jaweben sawa bel dor, 2awal jaweb ta7et wel teneh faw2o…
Tfengeh tenieh
Daroureh kel wa7ad khilel el le3beh ykoun ma3o 3alatoul 10 krouteh bid. Ba3ed kel da2 byerja3 byetwaza3: 1, 2 aw 3 kart abiad 3ala kol la3ib ghayr al se2il.
1 iza el sou2al kan yelzamo jawab 1, 2 iza el sou2al bi ajwebtain, w 3 lal as2ila bi 3 ajwibeh.
Tfengeh telteh
Bihe7ellak tebdol el krouteh el bayda yalle ma3ak, btedfa3 ha22a kart azra2 men yalle rebehon (2eza rbe7et kart azra2). Fik tebdol men kart ila 10 krouteh bayda moukabel el kart el zar2a.
Tfengeh rab3a
2eza 2akid enno jawebak rah yerba7, fik “tcharet” bi kart zar2a. Eza sobta wou rbe7et, bterba7 3 krouteh =(kart el sou2al el matrou7 + el kart yalli charatto + kart sou2al mas7oub men el 3elbeh). Eza khseret, yalle rebe7 jawebo byerba7 kart el sou2al el matrou7 + el kart yalli charato el khesran el lambeh.
Tfengeh khamseh
Ma fi tfengheh khamseh...
Tfengeh sedseh
Fi 7al ayy chari3a, khilaf tafsir, 3adam fehm, tze3bor, ila akhirihi... tasoud kalimat al la3ibin al talia sifatahom, 7asab tertib al ahamiyya wal kouwwa:
1. Al ountha. Ya3ne el neswen bietla3o dayman ras...
2. Al asghar sennan. Ya3neh el chabeb bietla3o ras ma3 el akbar 3omran...
3. Al asghar toulan. Ya3neh el 2sar bietla3o ras ma3 el twal...
Ya3neh iza we7deh 3omra 77 seneh w toula metr w tmenin, 3am tetchera3 ma3 wa7ad 3omro 18 (ma fi azghar, mamnou3) w add el kazam, hiyeh btotla3 ras.
Ma fhemto ? eh la ti... ma tefhamo !